2012/05/30

شبابيك

شبابيك – محمد منير
كلمات: مجدى نجيب | ألحان: أحمد منيب | توزيع: يحيى خليل

 
شبابيك الدنيا كلها شبابيك
والسهر والحكاية والحواديت
كلها دايرة عليك
الكلام كان عليك
واللى كان خايف عليك
انتهى من بين إيديك
دى عنيك شبابيك
والدنيا كلها شبابيك

سرقت عمرى من أحزانى
سرقته لكن ما جانى
ولا حد شاف فين مكانى
ورا الشبابيك
دى عنيك شبابيك
والدنيا كلها شبابيك

غيرت ياما كتير أحوالى
وانا كنت عاشق وكان يحلالى
أحب بس يكون حلالى
ورا الشبابيك
دى عنيك شبابيك
والدنيا كلها شبابيك

انا بعت الدموع والعمر
طرحت جناينى فى الربيع الصبر
وقلت انا عاشق ساقونى كتير المر
ورا الشبابيك
دى عنيك شبابيك
والدنيا كلها شبابيك
 
- 1981 -
روابط تحميل الأغنية بجودة عالية
غناها:

دور ولف الدنيا

دور ولف الدنيا – شريفة فاضل
كلمات: مجدى نجيب | ألحان: منير مراد







دور دور دور دور لف الدنيا بحالها
لو هاتوه فى جمالها راح ترجع هنا
دور دور دور دور مش راح تنسى زمانى
ولا حتى هاتنسانى راح ترجع هنا
مش راح تنسى زمانى دور راح ترجع هنا

يا قلبى يا متغرب يا فرحى ليه تهرب
ليه بنعيش حياتنا ونعيش بالشكل ده
مهما كنت معانا واجب برضه تهدى
تنور شمس عمرى وتسأل عننا
هاتلاقينى تانى هاتلاقى حنانى
 وتانى يضمنا

يا دنيا ما كفاية ده حبيبى ويايا
خليكى دنيا حلوة بتحضن حبنا
يا دمع ماتدوب معايا محبوب
هانقرب شمس بكرة ونتمم فرحنا
ومعانا الحبايب والحلو اللى غايب
ونتقابل هنا

روابط تحميل الأغنية بجودة عالية (خاصة بالمدونة)
غناها:

قسمة ونصيب

قسمة ونصيب – هانى شاكر
كلمات: مجدى نجيب | ألحان: منير مراد



قسمة ونصيب والحب رمانى
سلم سلام وبرمشه ندانى
اعمل ايه والفرح معاه
اعمل ايه وانا عمرى فداه
وياريتنى ادوب ولا انى اتوب
ده جناين قلبى طارحة حنان
طارحة الفرحة فى كل مكان
ولما حبيبى يبقى معايا
عمرى فى ليلة ما اقول الآه

اللى يكمل المشوار عمره ما يتعب ولا يحتار

يا ليلة الفرحة خدينى فى مركبة فضة
وأبعدى عنى نجماية فى السما شاردة
خلينى أملا الكون أفراح خلينى
خلينى أشوف الدنيا آمان خلينى
برمى العتاب دوست العذاب
وياريت يا عيون البعد يهون
ولما حبيبى يبقى معايا
عمرى فى ليلى ما اقول الآه

بقول يا بكرة تعالى قوام
وهات معاك ورد وأحلام
وتملى بعيش خايف ميجيش
ونعيش فى حكاية صبر زمان
اوعى يا قلبى من الأحزان
ولما حبيبى يبقى معايا
عمرى فى ليلى ما اقول الآه

روابط تحميل الأغنية بجودة عالية (خاصة بالمدونة)

غناها:

2012/05/27

الحب له صاحب


الحب له صاحب – أحمد منيب.علاء عبد الخالق
كلمات: مجدى نجيب | ألحان: أحمد منيب 


الحب له صاحب والكره له صاحب
الحزن له صاحب والفرح له صاحب
وانا على الوعد متصاحب

العشق له صاحب والصدق له صاحب
الكدب مش صاحب الضى له صاحب
وانا على الوعد متصاحب

احب اصاحب كل شئ صادق
ما احس بأى سور بينى وبينه او فارق
وأفارق كل شئ فى الدنيا مش صادق
وانا على الوعد متصاحب

بحبك فى لون الضى
فى بكرة المبتسم والجى
فى نظرة خايفة وخايفة على
وانا على الوعد متصاحب


الحب له صاحب – أحمد منيب
كلمات: مجدى نجيب | ألحان: أحمد منيب | توزيع: ماجد عرابى


- 1987 -
روابط تحميل الأغنية بجودة عالية
4shared | MediaFire


الحب له صاحب – علاء عبد الخالق

كلمات: مجدى نجيب | ألحان: أحمد منيب | توزيع: حميد الشاعرى


- 1986 -  
روابط تحميل الأغنية بجودة عالية
غناها: ,

2012/05/22

يا أنا

يا أنا – محمد منير
كلمات: مجدى نجيب | ألحان: عمرو بولينو | توزيع: علاء الكاشف


يا أنا يا أنا يا سكر بالهنا
يا أنا ما أنا يا دايب كام سنة
اسقينى وأروينى من بحرك يوم هنا

مرمنى زمانى تاعبنى مرك فى شفايفى باعدنى
سكر فى شفايفك غنى الفرح قوام يلاعبنى
يا غزالى يا حلالى فى عيونك حلمى أنا 

مستسلم راضى بطبعى عصفور فى الحلم ما سابنى
محتار على شط شفايفك ده عطور الكون من وردك
رشيها رشيها نسينى مين أنا
يا غزالى يا حلالى فى عيونك حلمى أنا 

يا ليالى الحزن بلاش الفرحة دى مش ببلاش
يا غزالى تاعبنى شرودك بتغير ليه فى وعودك
ده منايا يا هنايا أسكن فى الوطن
هاتجينى تلاقينى ساكن فى الوطن

  - 1996 -
روابط تحميل الأغنية بجودة عالية
غناها:

2012/05/19

بعتب عليكى

بعتب عليكى – محمد منير
كلمات: مجدى نجيب | ألحان: أحمد منيب | توزيع: مايكل كوكيس


عليكى بعتب عليكى من عنيكى
من نظرة فى عنيكى
من وردة دبلت بين إيديكى
بعتب عليكى

مهما بحار السفر بتسرقنى والريح بتجرحنى
مهما بلاد الدنيا تنكرنى والكل ينكرنى
ضحكتك بتندهلى نظرتك بتعرفنى
من عنيكى

مهما عيون الناس بتعرفنى غيرك ما يعرفنى
مهما ليالى الوعد توعدنى قلبى بيوعدنى
ضحكتك بتندهلى نظرتك بتعرفنى

عليكى بعتب عليكى من عنيكى
من نظرة فى عنيكى
من وردة دبلت بين إيديكى
بعتب عليكى

  - 1984 -

روابط تحميل الأغنية بجودة عالية
غناها:

2012/05/18

الأسمر فى كل مكان

الأسمر فى كل مكان – شادية
كلمات: مجدى نجيب | ألحان: عز الدين حسنى



النسمة رايحة تحكى وراجعة تانى تحكى
عن أسمر حب سمرا وسافر يشتريلها
فستان بلون القمرة وعقد لون عيونها
من يومها راح مجاشى وهى ما تدراشى
مرجعش ليه حبيبها ليه؟
مرجعش ليه نصيبها ليه؟
راح راح راح
راح علشان البلابل ميسكتهاش الألم
راح علشان السنابل ميدوسهاش القدم
وعلشان ضحة حبيته ميقطفهاتش إنسان
وعلشان خضار عيونها متكحلوش أحزان
راح راح راح
الأسمر فى كل مكان بيخضر الغيطان
ويغنى للإنسان ويوهبله الأمان
 ويكسر القيود ويحطم السدود
ويغنى للوجود بالكلمة والبارود

- 1971 -

روابط تحميل الأغنية بجودة عالية (خاصة بالمدونة)
غناها:

2012/05/16

عم سالم

عم سالم – وجيه عزيز
كلمات: مجدى نجيب | ألحان وتوزيع: وجيه عزيز





شارب قهر الغناوى خايب يا طبيب مداوى
قلبى ع اللى جراله حب ايه اللى قاله
إحنا فى قلوبنا رحمة لكن الدنيا زحمة

إحنا ضعنا فى عالم وإحنا ما حد سالم
غيرك يا عم سالم سالم مين اللى ظالم
غيرك ياعم سالم عفواً الله أعلم
شكراً يا عم سالم

تعبى معرفش لونه صاحبى غامض جنونه
سائل ولا حد سائل بينا كانت رسائل
إحنا فى قلوبنا رحمة لكن الدنيا زحمة
بكرة الشمس تطلع حرة تزعل ما تطلع
بكرة ما حد سالم غيرك يا سالم

مالى همى فى دفاتر حالى فرحى مهاجر
صاحبى سامعله آه حبى فينه دواه
إحنا فى قلوبنا رحمة لكن الدنيا زحمة
راسى ولافيش مراسى ناسى ماحد سالم
غيرك يا عم سالم

- 2007 -

روابط تحميل الأغنية بجودة عالية
غناها:

2012/05/14

فى رحلة العيون

فى رحلة العيون – أحمد السنباطى
كلمات: مجدى نجيب | ألحان: أحمد السنباطى


فى رحلة العيون كل شئ بيهون
وتدبل الظنون وأشوف الكون حنون
فى رحلة العيون..

بيدبل زهر لومى ويبدأ فرح يومى
فى رحلة العيون

لو غرب زماننا وغرب حد فينا
يا دنيا صدقينا
إن الفراق مش لينا لا يقدر يجى ليالينا
لا يغرب حد فينا ويا دنيا صدقينا

روابط تحميل الأغنية بجودة عالية (خاصة بالمدونة)
غناها:

بنسهر الأوتار

بنسهر الأوتار – أحمد منيب.محمد منير
كلمات: مجدى نجيب | ألحان: أحمد منيب 


بنسهر الأوتار يطلع علينا نهار
وإحنا مع المشوار عدينا بحور وجبال
يا فرح يا هجار إمتى تجينا الدار
ونسهر الأوتار نسهر الأوتار

يا ليل يا أبو المجاريح
 ماشى فى قلب الريح
بزرع انا التفاريح
أسمر انا وأخضر انا
شارب مياة نيلى
ما قلت آه ويلى

راكب حصان من ضى
والحلم راح مش جى
لكن يا فرحى الجى
يوم المنى أصفى انا
وأحضن سنين عمرى
يطوى الحنين صبرى

باكية عيون موالى
ما قلت آه كان مالى
أستاهل اللى جرالى
وأسهر انا وأدبل انا
تدبل ورود ع الخد
ولا حد سامح حد
بنسهر الأوتار – محمد منير
كلمات: مجدى نجيب | ألحان: أحمد منيب | توزيع: عزيز الناصر

- 1984 -
روابط تحميل الأغنية بجودة عالية


بنسهر الأوتار – أحمد منيب
كلمات: مجدى نجيب | ألحان: أحمد منيب | توزيع: ماجد عرابى

- 1987 -  
روابط تحميل الأغنية بجودة عالية
غناها: ,

2012/05/12

على شط النيل

على شط النيل – أحمد منيب
كلمات: مجدى نجيب | ألحان: أحمد منيب | توزيع: محسن العادلى


كان ماشى على شط النيل
كان ماشى يغنى المواويل
من قلبه بيقول الآه
وكلامه نور قناديل

قابلته نسمة شاردة
ونجمة عيونها فضة
وقمر فوق راسه وردة
وناس كتار كتار
بيغنوا ليل نهار
قال ومال على الموال
الله عليك يا نيل
الله عليك يا نيل


- 1987 -

روابط تحميل الأغنية بجودة عالية
غناها:

2012/05/11

جانى وطلب السماح

جانى وطلب السماح – صباح
كلمات: مجدى نجيب | ألحان: بليغ حمدى



جانى وطلب السماح اللى جرحنى وراح آه يا عينى
منى طلب السماح اللى حرمنى من الأفراح
جانى بيبكى على جرحى جانى يتمنى فرحى
رديت حبيبى تعالى جنبى هنا وأرتاح
قلبى من يومها يا روحى باعتلك السماح

جانى فى عيونه دمعة بتقول والله أرحمينى
ده عيونى من يوم فراقك النوم فاتها وناسينى
نادم طالب السماح نادم على اللى راح
رديت حبيبى تعالى جنبى هنا وأرتاح
قلبى من يومها يا روحى باعتلك السماح

جانى ولعلى شمعة على باب بيتى وقال
موال وغنوة حلوة قلبى ساعتها مال
نادى ردى عليا ردت دمعة عينيا
رديت حبيبى تعالى جنبى هنا وأرتاح
قلبى من يومها يا روحى باعتلك السماح

ما أحلى السهر ويا الحبيب ويا القمر
ما أحلى السماح بعد العذاب بعد الجراح
ما أحلى اللقا والقلب بعد الغربة أرتاح
ما أحلى السهر ويا الحبيب ويا القمر
ما أحلى الليالى ديا وأنت قدام عينيا
حبيبى حبيبى تعالى جنبى هنا وأرتاح
قلبى من يومها يا روحى باعتلك السماح


روابط تحميل الأغنية بجودة عالية
غناها:

غاب القمر يابن عمى

غاب القمر يابن عمى – شادية
كلمات: مجدى نجيب | ألحان: محمد الموجى




غاب القمر يا ابن عمي يالا روحنى
دى النسمه آخر الليل بتفوت وتجرحني
والصوت دبل في الخلا والليل ما عاد له دليل
نعس الفضا واتملى قلبى بنجوم الليل
طار النسيم بالشوق لما كلمتك
لمس النسيم توبي بهمس غنوتك
غاب القمر يا ابن عمي يالا روحنى

الليل ووحدى ووحدك سايبين هوانا وحيد
فين الحواديت وفين سهرتنا تحت الضى
خوفى من الضلمة تتوهنى وانت بعيد
بعد القمر يا حبيبى ما غاب ما قلنا جى
غاب القمر ياحبيبي بعد ما قال لنا جي
طار النسيم بالشوق لما كلمتك
لمس النسيم توبي بهمس غنوتك
غاب القمر يا ابن عمي يالا روحنى

ضحك الهوى حواليك واتمايلت النجمات
سلم على شعرى ورميه عليك حكايات
مشوارنا همسه وضحكه شارده في الفضا
مشوارنا خطوة وعمرها ما بتنقضى
بعت القمر مرسال بعت النجوم موال
وخطوتك وانت جنبي شوق يفرحنى
غاب القمر يا ابن عمي يالا روحنى

روابط تحميل الأغنية بجودة عالية (خاصة بالمدونة) - نسخة الأستوديو
4shared | Zippyshare | MediaFire
 للإستماع للأغنية - نسخة الأستوديو


 للإستماع للأغنية - نسخة الحفلة
روابط تحميل الأغنية بجودة عالية (خاصة بالمدونة) - نسخة الحفلة 
 
غناها:

ممكن

ممكن – محمد منير
كلمات: مجدى نجيب | ألحان: وجيه عزيز | توزيع: عمرو أبو ذكرى




أسكن بيوت الفرح آه ممكن
أسكن بيوت الحزن لا يمكن
ومستحيل يا حزن راح تسكن
قدر الزمان يفهمنا
آه يمكن..
شكلنى بطعم الأفراح
لونى بلون التفاح
وبطعم المانجة وكمنجة
تعزفلى على الجرح أرتاح
يمكن..
مشينى على كفوف الراح
نسينى لو حلم وراح
وأشمعنى المعنى بيعرفنى
لو باتت فى قلوبنا جراح
يمكن..


- 1995 -
 روابط تحميل الأغنية بجودة عالية

غناها:
الاشتراك في: الرسائل (Atom)