يا عزيز عينى - بلدى يا بلدى

يا عزيز عينى - بلدى يا بلدى – شادية

كلمات: مجدى نجيب | ألحان: محمد الموجى

بلدى يا بلدى يا بلدى

يا حبة عينى يا بلدى

يا أبويا وأمى وولدى

يا عزيز عينى

 وعينى بتحرس بلدى

الآيادى فى الآيادى

والعيون على الأعادى

والعيون فى العيون

ولا رملة واحدة راح تهون

ولا هانمشى فوقها غريب

ولا هانخلى فوقها غريب

يا عزيز عينى

 وعينى بتحرس بلدى

طول ما الآيدين فى الآيدين ممدودة

طول ما القلوب للقلوب مشدودة

الوحدة والنضال بنحقق الآمال

فى المصنع الشغال للجى من الأجيال

يا عزيز عينى

 وعينى بتحرس بلدى

روابط تحميل الأغنية بجودة عالية

4shared | Zippyshare | MediaFire

 للإستماع للأغنية

سيبك

سيبك – عمر فتحى

كلمات: مجدى نجيب | ألحان: محمد الشيخ

سيبك سيبك سيبك سيبك

سيبك ياراجل سيبك ياعم

اللى ضاع منك فى ليلة مسيره فى يوم يتلم

ساعات الذكرى فى ليلة بتجيب وياها الهم

أوعى تزعل على اللى راح

إن كان فرحة أو كان جراح

بالك خليه مرتاح وسيبك سيبك

روابط تحميل الأغنية بجودة عالية

4shared | MediaFire

سالمة

سالمة – حنان ماضى

كلمات: مجدى نجيب | ألحان وتوزيع: ياسر عبد الرحمن

سالمة يا سلامة آه يا سالمة يا سلامة

أروح لحبيبى وياما سلمنا بقلوبنا سلامة

غلبتنى واتاريها العودة مكتوبة على البر سلامة

ويا سالمة وياريتها سلامة

وسافرنا والقلب يحن التوهة فى الغربة تجن

لو خايف أخرتها تجن راح نرجع بسلامة

ويا سالمة وياريتها سلامة

كم مرة فى البعد غمامة غطتنا بدموعها وياما

وزرعنا أفرحانا حمامة طرحت فى قلوبنا سنابل

ويا سالمة وياريتها سلامة

أحلامنا سافرت مشاوير كان لابسة أيامها حرير

ده زماننا طول عمره بخيل فى الغربة بيسقينا ملامة

ويا سالمة وياريتها سلامة

- 1995 -

روابط تحميل الأغنية بجودة عالية

4shared | MediaFire

وتصادف الأيام

وتصادف الأيام – هانى شاكر

كلمات: مجدى نجيب | ألحان: منير مراد

 

وتصادف الأيام وأشوفها مرة تانية

وعنيها تقول كلام ياريتك بين أيديا

شئ غريب يا قلبى مهى كانت بين أيديا

ايه خلاها تنسى اللى كان

شئ وراح يا قلبى يكفانى اللى بيا

كان زمان يا قلبى كان يسأل عليا

سامحته على عنده سهرنى فى بعده

يا قلبى مش قده ليه يعتب عليا

ليه يا دنيا الغربة فيكى مش كفاية

ليه تخلى فرحى يحزن فى النهاية

بكانى فى مواله ايه غير أحواله

يا دنيا ايه حاله الفرحة مش هيا

روابط تحميل الأغنية بجودة عالية

4shared | MediaFire

قولوا لعين الشمس

قولوا لعين الشمس – شادية

كلمات: مجدى نجيب | ألحان: بليغ حمدى

قولو لعين الشمس ماتحماشي
احسن حبيب القلب صابح ماشي
ماشي حبيبي ماشي ماشي بكره ماشي
يا حمام يا طير قبله قوام يا حمام
خلي له الشمس حرير يا حمام
ويا ناس لو غاب ياناس
خلوه يبعتلي سلام
دي الآه يقولها وهو ما يدراشي
وف بعده طعم الدنيا ما يحلاشي
قولوا لعين الشمس ما تحماشي
يا حنان ايام ولا حتى اشوف احلام
ايام واراي لو غاب حتفوت الايام
وياناس لو غاب يا ناس خلوه يبعتلي سلام
اه ياناس مطرح خطاويه ما تروح
قسوه بحنان قسوه وادو له الروح
دي الآه بيقولها وهو مايدراشي
وف بعده طعم الدنيا مايحلاشي
قولوا لعين الشمس ما تحماشي

- 1966 -

روابط تحميل الأغنية بجودة عالية (نسخة الأستوديو)

MediaFire

روابط تحميل الأغنية بجودة عالية (خاصة بالمدونة) (نسخة الحفلة)
4shared | MediaFire

إنتى

إنتى – محمد منير

كلمات: مجدى نجيب | ألحان: عمرو محمود | توزيع: محمد عرام

إنتى فرحى اللى عاش يا عينيا

وإنتى بكرة اللى غير فيا

وإنتى ده إنتى اللى خايفة عليا

ياه للحنان بشتاق

فى عيونك كلام يندهلى

فى عيونك قريت أحلام

ده الحلم الجميل موصوف لى

يخطفنى قوام

فى شفايفك ده لون مرسوم لى

والبسمة اللى حاضنة هواك

ده انا عاشق كلام قولى

أخطفنى قوام

تانى هانعيش الفرح تانى

وهاروقلك زمانى

ونعيش نفس الحنان

ليلة وهانحلم كل ليلة

ولا ألف وألف ليلة

ونغير فى الزمان

- 1999 -

روابط تحميل الأغنية بجودة عالية

4shared | MediaFire

تمر السنين

تمر السنين – أحمد فكرون

كلمات: مجدى نجيب | ألحان وتوزيع: أحمد فكرون

وتمر سنين وتمر أيام

وأرسملك أحلى وأجمل أحلام

أحلام كتيرة أحلام صغيرة

أحلام تتحقق وأحلام تضيع

أحلام جميلة لا مستحيلة

أحلام بتزقزق زى الربيع

وتمر سنين وتمر أيام

وأرسملك أحلى وأجمل أحلام

أحلام بتكبر أحلام بتصغر

أحلام بتسرق فى الدرب الجروح

أحلام تتنهد أحلام تتجدد

أحلام تتودد للحزن يروح

وتمر سنين وتمر أيام

وأرسملك أحلى وأجمل أحلام

أحلام بتعيش إحساس الناس

أحلام بتروح وتضيف الآه

أحلام صيفية أحلام شتوية

أحلام حرية بتقول الله

وتمر سنين وتمر أيام

وأرسملك أحلى وأجمل أحلام

أحلام سهرانة جاية ورايحة

أحلام ماشية فى طريق مجهول

أحلام وردية أحلام منسية

أحلام تصاحبنا وصاحية على طول

- 1989 -

روابط تحميل الأغنية بجودة عالية

4shared | MediaFire

القدس

القدس – محمد منير

كلمات: مجدى نجيب | ألحان: هانى شنودة | توزيع: يحيى خليل

ينسانى دراعى اليمين

ينسانى دراعى الشمال

ينسانى نن العين

وآهة الموال

لو نسيت القدس

تنسانى فرحة فى عينيا

ودنيا خضرة جاية

ينسانى قلب الجميع

تنسانى بسمة ربيع

لو نسيت القدس

تنسانى أفراحى

ينسانى صباحى

تنسانى الشموس

وتنكرنى النفوس

والنجوم والقمر 

والمطر والشجر 

ينسانى الشوارع والبيوت

وأدبل أدبل أموت

لو نسيت القدس

 ينسانى فرح النهار

وضلة الديار

ورنة الأوتار 

وضحكة كل جار

لو نسيت القدس

تنسانى بسمة ولاد 

ولهفة اللقا

وفرحة الميلاد

أبواب كل البلاد

لو نسيت القدس

تنسانى أفراحى 

ينسانى صباحى 

تنسانى الشموس

وتنكرنى النفوس

والنجوم والقمر 

والمطر والشجر

ينسانى الشوارع والبيوت

وأدبل أدبل أموت

لو نسيت القدس

- 1985 -

روابط تحميل الأغنية بجودة عالية

4shared | MediaFire

تعالى شوف

تعالى شوف – فايزة أحمد

كلمات: مجدى نجيب | ألحان: محمد سلطان 

تعالَ شوف إزاي باحبك

وتعالَ شوف إزاي ف بعدك

ومهما العمر عدَّى باحبك النهارده

وبكره يا حبيبي أكتر من النهارده

وتعالَ شوف تعالَ

يا حبيبي يا هواه يا بلاش الدمعه والحزن بلاش

إن قالوا ده حبيبي ما جاش راح أحبك أكتر يا حبيبي

بيقولوا ما بقتش أمان الدنيا ما بقتش أمان

بناديلك في كل مكان وح أحبك أكتر يا حبيبي

لفينا .. لفينا بلاد ودَّعنا الأفراح في بلاد

ونا باحلم ألقاك في ميعاد وأحبك أكتر يا حبيبي

وبكره .. بكره جاي يضحك لنا

بكره .. بكره جاي ينده لنا

وحبنا حيضمـِّنا يملا الوجود

وفرحنا في عمرنا مالوش حدود

ومهما العمر عدَّى باحبك النهارده

وبكره يا حبيبي أكتر من النهارده

وتعالَ شوف تعالَ

ومعايا .. وانت معايا

باقول ليلاتي أنا طول حياتي

معرفشي غيرك يتقال كلام

وكتير كلام مسمعشي غيرك

ومعايا .. وانت معايا

يضحك لي غيرك ينده لي غيرك

ما بشوفشي غيرك وإن قالوا غيرك

ما أحب غيرك مرضاش بغيرك

بيقولوا إيه

الناس جرالهم يا حبيبي إيه

يا حياتي إيه مستغربين وحيْرانين

ده كله ليه يا حبيبي ليه

لو يجونا .. حيشوفونا .. قد إيه فرحان هوانا

يعرفونا .. ويلاقونا .. كل شوق سهران معانا

ومهما العمر عدَّى باحبك النهارده

وبكره يا حبيبي أكتر من النهارده

وتعالَ شوف تعالَ

روابط تحميل الأغنية بجودة عالية

MediaFire

قول لكل الناس إحنا حبينا

قول لكل الناس إحنا حبينا – فايزة أحمد

كلمات: مجدى نجيب | ألحان: محمد سلطان

قول لكل الناس إحنا حبينا

ولا حد فى الدنيا دى حب قبلينا ولا فيه قلوب هاتحب بعدينا

ورمانا الحب وخادنا معاه لليالى الحب نعيش وياه

نتواعد ونتقابل تاخدنا ليالى تفرحنا تفكرنا بأحلى ليالى

يا حب ياريتك مهما الأيام تفضل عايش ويانا

يا حب ياريتك مهما تروح الأحلام تفضل حلم لدنيانا

سهرنا يا حب سهرنا وحيرنا يا حب حيرنا

حيرنا يا حب بس أمانة ما تسيبنا

وخاصمنا يا حب وصالحنا قربنا يا حب وإبعدنا

إبعدنا يا حب بس فى يوم ما تفرقنا

خليك على طول جوا قلوبنا ولا يجى اليوم وتغيب عنا

يا ليالى الحب وخدتينا دنيا فرحانة يا ليالى

آه يا سلام لو دامت فرحتنا وفضلتى معانا يا ليالى

همستنا الدافية يا ليالى ضحكتنا الصافية يا ليالى

أيامنا الرايحة يا ليالى أشواقنا الجاية يا ليالى

حارسة خطاوينا تنادينا حاضنة آيادينا تودينا

للحب وتضحك ليالينا وقلوبنا متنامش حزينة

أيوا بحبك هافضل أحبك طول العمر

ده إحنا هوانا ما يعرف هجر زى الموجة فى حضن البحر

حاضنة آمانينا غناوينا والنسمة الهادية تودينا على شط الحب

عشاق ولا لينا فى ليالينا غير قمر الفرحة ينادينا على شط الحب

وياليل يا مونس خطو المشتاق ياليل يا مطول عمر العشاق

ويا بكرة الجى ومتبسم لينا على طول

فى جبين الضى بتتكلم ويانا وقول

قول لكل الناس إحنا حبينا

روابط تحميل الأغنية بجودة عالية

MediaFire

كان وكان

كان وكان – أحمد منيب

كلمات: مجدى نجيب | ألحان: أحمد منيب | توزيع: محسن العادلى

كان وكان وكان .. كان وكان وكان

كان في ليا حبيبة كان في ليا نصيب

الغربة دى غريبة غريبة غيرتنى من زمان

 كان وكان وكان .. كان وكان وكان

كان في زمان أهالى يا صاحبى وكان فى الدنيا لك

مطرح ومرسى يرسيك لأى مكان فى الدنيا كان

كان وكان وكان .. كان وكان وكان

كان في قلوبنا ناس كان في فى عيونا ناس

كان دنيا من الأحساس وراحت من زمان

كان وكان وكان .. كان وكان وكان

كان في زمان مزازيك كان في زمان الحب

أتقفلت شبابيك وأتغير المكان

كان وكان وكان .. كان وكان وكان

كان في ليا صاحب كان ع الدنيا متصاحب

مكان ما يمشى يتعاجب وأتغير الزمان

كان وكان وكان .. كان وكان وكان

كان في ليا أب كان في ليا أم

وسابونى فى درب صعب معرفتش الحنان

- 1987 -

روابط تحميل الأغنية بجودة عالية

4shared | MediaFire