‏إظهار الرسائل ذات التسميات محمد منير. إظهار كافة الرسائل
‏إظهار الرسائل ذات التسميات محمد منير. إظهار كافة الرسائل

2013/11/04

عصفور

عصفور – محمد منير
كلمات: مجدى نجيب | ألحان: وجيه عزيز | توزيع: أشرف محروس
وكأنى عصفور متدلع .. آه متلوع
وفى قلبه حكايات بتولع
راح اغنى ولازمنى اتدفى وابعد حزنى
ولكنى بحس انى كأنى عاشق لزمانى اللى تاعبنى
لو اقدر اغير راح اتغير لو مش قادر انا لازم اغير واتغير
ولأن محدش كلمنى انا بمشى على شاطئ حزنى
وكأن العالم مش ملكى
 
- 1992 -
روابط تحميل الأغنية بجودة عالية
4shared | MediaFire


غناها:

2013/01/08

من أول لمسة

من أول لمسة – محمد منير
كلمات: مجدى نجيب | ألحان: وجيه عزيز | توزيع: عمرو ابو ذكرى


 عاشق اعشقنى .. كاره اكرهنى
لكن اسمعنى حاول تتغير
غير.. غيرنى من أول لمسة
من أول لمسة غيرلى سنينى
نسينى رسينى على أول مرسى

صابر صبرنى اوعى تحيرنى
شارد صحينى نسينى شرودى
تسبقنى وعودى من أول لمسة
من أول لمسة غيرلى سنينى
نسينى رسينى على أول مرسى
تايه قربنى حلم تفرحنى
ما انت تعرفنى لما بتجرحنى
كأن بتدبحنى من أول لمسة
من أول لمسة غيرلى سنينى
نسينى رسينى على أول مرسى
  - 1996 -
روابط تحميل الأغنية بجودة عالية
Zippyshare | MediaFire 
 للإستماع للأغنية 
غناها:

2012/12/28

هيه هيه

هيه هيه – محمد منير
كلمات: مجدى نجيب | ألحان: وجيه عزيز | توزيع: حسين الإمام
هيه هيه هيه هيه هيه
الفرح شاطر والحزن شاطر
والبحر غادر بقوله حاضر
ده انا لسة قادر فى الحزن افرح 

 هيه هيه هيه هيه هيه
نايمة العيون ساكتة الشفايف
دمع يهون والقلب خايف
وانا لسة قادر فى الحزن افرح
 
- 1992 -
روابط تحميل الأغنية بجودة عالية
4shared | MediaFire


غناها:

2012/11/29

غريبة

غريبة – محمد منير
كلمات: مجدى نجيب | ألحان وتوزيع: هانى شنودة
غريبة غريبة غريبة ومش غريبة
إنى اكون ويا الحبيبة دنيا مبتسمة ورحيبة
وفجأة اكون زى القلوع ساعة الغروب مروحين
بلا شطوط ولا حنين 
وانطفى فى الحال من غير سؤال

غريبة غريبة غريبة ومش غريبة
إنى اكون فى لحظة مخيفة خبر كان وسط الصحيفة
وفجأة اكون زى السطور المليانين 
بحاجات كتير منورين
وانطفى فى الحال من غير سؤال

غريبة غريبة غريبة ومش غريبة
 إنى اكون خطوة بريئة لما أدور على الحقيقة
وفجأة اكون زى الجنون جوا العيون
مالهش لون مالهش كون
وانطفى فى الحال من غير سؤال
- 1980 -
روابط تحميل الأغنية بجودة عالية
4shared | MediaFire

غناها:

2012/10/14

سؤال

سؤال – محمد منير
كلمات: مجدى نجيب | ألحان: أحمد منيب
سؤال بسألك ايه اخرة الترحال
وسهر الليالى وكل يوم بحال
سؤال بسألك ايه اخرة الاحزان
دمعتى موالى والحنين قتال
سؤال بسألك ايه اخرة الأحلام
ليلاتى وخدانى فى بحر من الأوهام
سؤال بسألك ايه اخرة العذاب
تاعبنى سؤالى ياريت ألاقى جواب
 
سؤال – محمد منير
كلمات: مجدى نجيب | ألحان: أحمد منيب | توزيع: هانى شنودة


- 1980 -
روابط تحميل الأغنية بجودة عالية
4shared | MediaFire


سؤال – محمد منير
كلمات: مجدى نجيب | ألحان: أحمد منيب | توزيع: راستوليفيندوسكى



- 1990 -
روابط تحميل الأغنية بجودة عالية

سؤال – محمد منير
كلمات: مجدى نجيب | ألحان: أحمد منيب | توزيع: رومان بونكا/هموند



- 2008 -
روابط تحميل الأغنية بجودة عالية
غناها:

2012/09/25

يا مراكبى

يا مراكبى – محمد منير.أحمد منيب
كلمات: مجدى نجيب | ألحان: أحمد منيب
هيلا هيلا هيلا هيلا وهيلا وهيلا
وإن شاء المولى راح نرسى فى مينا
ايامنا على الله هيلا هيلا 
وقمر ليالينا هيلا هيلا
يا مراكبى شد القلوع يا مراكبى
مفيش رجوع يا مراكبى
وياليل من غير حبيب هيلا هيلا
يا ليل امرك عجيب هيلا هيلا

الورد كان فى كل مكان طارح مطارح لحبى
والكون ده كان زمان ميسعش حتة من قلبى
شد القلوع يا مراكبى
مفيش رجوع يا مراكبى
وياليل من غير حبيب هيلا هيلا
يا ليل امرك عجيب هيلا هيلا
 
يا مراكبى – محمد منير
كلمات: مجدى نجيب | ألحان: أحمد منيب | توزيع: فرقة يحيى خليل


- 1985 -
روابط تحميل الأغنية بجودة عالية


يا مراكبى – أحمد منيب
كلمات: مجدى نجيب | ألحان: أحمد منيب | توزيع: ماجد عرابى


- 1987 -
روابط تحميل الأغنية بجودة عالية
غناها: ,

2012/09/15

يا زمانى

يا زمانى – محمد منير
كلمات: مجدى نجيب | ألحان: عزيز الناصر | توزيع: يحيى خليل

 
يا زمانى أضحكلى اياك تنسانى
يا زمانى فى الغربة ونسيت عنوانى
يا زمانى على فين احزانى
يا زمانى على فين واخدانى

وزمانى نادانى وفرشلى آمانى
نسانى مكانى ونسيت خلانى
كان حلمى الوردى مش طايلاه يدى
وصبحت انا وحدى 

وزمانى ليالى فى بحور واخدانى
وفى موجها العالى وحدى سايبانى
يا زمانى واخدنى على فين اوعدنى
امتى تريحنى
 
- 1981 -
روابط تحميل الأغنية بجودة عالية
غناها:

2012/08/15

لو كان لزاماً

لو كان لزاماً – محمد منير
كلمات: مجدى نجيب | ألحان: وجيه عزيز | توزيع: أسامة الهندى



لو كان لزامًا علينا الرحيل
كرهك يا وداع
ولا بديل
والمستحيل إنى امسح دمعة
مستحيل أخبى لوعة
مستحيل

طب ليه تغيب عنى؟ ولا يوم تطمنى؟
ده أنا لما كون جنبك
يطلع نهار
طب ليه تغيب عنى؟ ولا يوم تطمنى؟
ده أنا لما كون جنبك
يطلع نهار

لو كان لزامًا علينا الرحيل
كارهك يا وداع
ولا بديل

بالحلم علمنى تبقى قريب منى
قلبك يطمني
قربك نهار
بالحلم علمنى تبقى قريب منى  
قلبك يطمنى
قربك نهار

لو كان لزامًا علينا الرحيل
كارهك يا وداع ولا بديل
والمستحيل إنى امسح دمعة
مستحيل أخبى لوعة
مستحيل

يا لون ربيع وردي الحزن مش قصدى
ده لما شوف قدى طارح نهار
يا لون ربيع وردى الحزن مش قصدى
ده لما شوف قدى طارح نهار

لو كان لزامًا علينا الرحيل
كارهك يا وداع ولا بديل
والمستحيل إنى امسح دمعة
مستحيل أخبى لوعة
مستحيل

 - 2008 -
 روابط تحميل الأغنية بجودة عالية

غناها:

2012/07/16

معاكى

معاكى – محمد منير
كلمات: مجدى نجيب | ألحان: وجيه عزيز | توزيع: أسامة الهندى



معاكى بضحك بصوت عالى
ومش خايف وانا عارف
قلبك من الحزن مش خالى
 معاكى

بيفرحنى صوتك الهامس أسرح لما نتهامس
فى صوتنا لما يتلامس ويسرقنى نغم هامس
ويحلالى

بحبك شمس فى بردى تغطينى بالدفا الوردى
بحبك حلم على قدى يا أغلى ما عندى
وآدى حالى
 - 2008 -
 روابط تحميل الأغنية بجودة عالية

غناها:

2012/07/03

حواديت

حواديت – محمد منير
كلمات: مجدى نجيب | ألحان: أحمد منيب | توزيع: أشرف محروس



ياما فى زماننا قلوب اسماها أعمارنا
زى النجوم حواديت على ضل شباكنا
دى مركبى فضة وفرحى لو قضى
حبيبتى تبقى معاي من غيرها مش هارضى

ساعات أتوه مرات ألقى القمر هدى
يسقى النسيم شربات فى ليل طويل عدى
الصعب راح ولا الحب ده أحلى
لو وقفت الساعات صوتى أكيد أعلى

لو زارنى فرحى ساعات حواديتى ما بتخلص
قمرى حصان فى الليل نجومه دى بترقص
والحلم ويايا والذكرى جوايا
من بين كتير حكايات حكايتنا دى حكاية

ساعات أحب حاجات ميحبهاش غيرى
فى الرايحة فى الجايات بغنى مع طيرى
طمنى أطمن فى القلب راح تسكن
وطول هواكى معاي أتدفى وأطمن
 - 1995 -
 روابط تحميل الأغنية بجودة عالية

غناها:

2012/06/13

إنتى

إنتى – محمد منير
كلمات: مجدى نجيب | ألحان: عمرو محمود | توزيع: محمد عرام




إنتى فرحى اللى عاش يا عينيا
وإنتى بكرة اللى غير فيا
وإنتى ده إنتى اللى خايفة عليا
ياه للحنان بشتاق

فى عيونك كلام يندهلى
فى عيونك قريت أحلام
ده الحلم الجميل موصوف لى
يخطفنى قوام
فى شفايفك ده لون مرسوم لى
والبسمة اللى حاضنة هواك
ده انا عاشق كلام قولى
أخطفنى قوام

تانى هانعيش الفرح تانى
وهاروقلك زمانى
ونعيش نفس الحنان

ليلة وهانحلم كل ليلة
ولا ألف وألف ليلة
ونغير فى الزمان

- 1999 -

روابط تحميل الأغنية بجودة عالية
غناها:

2012/06/10

القدس

القدس – محمد منير
كلمات: مجدى نجيب | ألحان: هانى شنودة | توزيع: يحيى خليل


ينسانى دراعى اليمين
ينسانى دراعى الشمال
ينسانى نن العين
وآهة الموال
لو نسيت القدس
تنسانى فرحة فى عينيا
ودنيا خضرة جاية
ينسانى قلب الجميع
تنسانى بسمة ربيع
لو نسيت القدس
تنسانى أفراحى
ينسانى صباحى
تنسانى الشموس
وتنكرنى النفوس
والنجوم والقمر 
والمطر والشجر 
ينسانى الشوارع والبيوت
وأدبل أدبل أموت
لو نسيت القدس
 ينسانى فرح النهار
وضلة الديار
ورنة الأوتار 
وضحكة كل جار
لو نسيت القدس
تنسانى بسمة ولاد 
ولهفة اللقا
وفرحة الميلاد
أبواب كل البلاد
لو نسيت القدس
تنسانى أفراحى 
ينسانى صباحى 
تنسانى الشموس
وتنكرنى النفوس
والنجوم والقمر 
والمطر والشجر
ينسانى الشوارع والبيوت
وأدبل أدبل أموت
لو نسيت القدس

- 1985 -

روابط تحميل الأغنية بجودة عالية
غناها:

2012/05/30

شبابيك

شبابيك – محمد منير
كلمات: مجدى نجيب | ألحان: أحمد منيب | توزيع: يحيى خليل

 
شبابيك الدنيا كلها شبابيك
والسهر والحكاية والحواديت
كلها دايرة عليك
الكلام كان عليك
واللى كان خايف عليك
انتهى من بين إيديك
دى عنيك شبابيك
والدنيا كلها شبابيك

سرقت عمرى من أحزانى
سرقته لكن ما جانى
ولا حد شاف فين مكانى
ورا الشبابيك
دى عنيك شبابيك
والدنيا كلها شبابيك

غيرت ياما كتير أحوالى
وانا كنت عاشق وكان يحلالى
أحب بس يكون حلالى
ورا الشبابيك
دى عنيك شبابيك
والدنيا كلها شبابيك

انا بعت الدموع والعمر
طرحت جناينى فى الربيع الصبر
وقلت انا عاشق ساقونى كتير المر
ورا الشبابيك
دى عنيك شبابيك
والدنيا كلها شبابيك
 
- 1981 -
روابط تحميل الأغنية بجودة عالية
غناها:
الاشتراك في: الرسائل (Atom)