2012/09/30

زينة

زينة – سلوى
كلمات: مجدى نجيب | ألحان: احمد منيب | توزيع: يحيى خليل


 زينة زينة زينة
هز النسيم مركبنا وجينا تانى جينا
لقينا عيون تعرفنا وصاحبها مش ناسينا

 زينة كأنى بطير زينة وقلبى حرير
زينة قلبى بيدق وبيرسم التناهيد
أشوف حبيبى يرق زى الهلال فى العيد

 زينة هانعشق مرة زينة فى الزمن مرة
زينة مفيش بيضا زينة مفيش سمرا 
زينة مفيش غيرى هاتنور السهرة

روابط تحميل الأغنية بجودة عالية
غناها:

2012/09/25

يا مراكبى

يا مراكبى – محمد منير.أحمد منيب
كلمات: مجدى نجيب | ألحان: أحمد منيب
هيلا هيلا هيلا هيلا وهيلا وهيلا
وإن شاء المولى راح نرسى فى مينا
ايامنا على الله هيلا هيلا 
وقمر ليالينا هيلا هيلا
يا مراكبى شد القلوع يا مراكبى
مفيش رجوع يا مراكبى
وياليل من غير حبيب هيلا هيلا
يا ليل امرك عجيب هيلا هيلا

الورد كان فى كل مكان طارح مطارح لحبى
والكون ده كان زمان ميسعش حتة من قلبى
شد القلوع يا مراكبى
مفيش رجوع يا مراكبى
وياليل من غير حبيب هيلا هيلا
يا ليل امرك عجيب هيلا هيلا
 
يا مراكبى – محمد منير
كلمات: مجدى نجيب | ألحان: أحمد منيب | توزيع: فرقة يحيى خليل


- 1985 -
روابط تحميل الأغنية بجودة عالية


يا مراكبى – أحمد منيب
كلمات: مجدى نجيب | ألحان: أحمد منيب | توزيع: ماجد عرابى


- 1987 -
روابط تحميل الأغنية بجودة عالية
غناها: ,

2012/09/16

كامل الأوصاف

كامل الأوصاف – عبد الحليم حافظ
كلمات: مجدى نجيب | ألحان: محمد الموجى



كامل الأوصاف فتنـِّي
والعيون السود خدوني
من هواهم رُحْت أغنـِّي
آه يا ليلي آه يا عيني
يا ليل
العيون السود .. رموشهم ليل
ليل بيحلم باللي غايب
والعيون السود .. خدوني
آه يا قلبي ياللي دايب
علـِّموك تسهر تغنـِّي
علـِّموك شوق الحبايب
ليه يا قلبي ليه
ليه خدوني ليه
توِّهوني
غرَّبوني
العيون السود
ليه .. ليه خدوني
قالوا الصبر .. بحورُه بعيده
قالوا شفايفـُه .. نايات بتقول تنهيده
وسهرت أستنـَّى
والنجم معايا
دوِّبني ودُبْنا
في عيون نسَّايه
ليه يا قلبي ليه
ليه خدوني ليه
توِّهوني
غرَّبوني
العيون السود
ليه .. ليه خدونى

روابط تحميل الأغنية بجودة عالية
غناها:

2012/09/15

يا زمانى

يا زمانى – محمد منير
كلمات: مجدى نجيب | ألحان: عزيز الناصر | توزيع: يحيى خليل

 
يا زمانى أضحكلى اياك تنسانى
يا زمانى فى الغربة ونسيت عنوانى
يا زمانى على فين احزانى
يا زمانى على فين واخدانى

وزمانى نادانى وفرشلى آمانى
نسانى مكانى ونسيت خلانى
كان حلمى الوردى مش طايلاه يدى
وصبحت انا وحدى 

وزمانى ليالى فى بحور واخدانى
وفى موجها العالى وحدى سايبانى
يا زمانى واخدنى على فين اوعدنى
امتى تريحنى
 
- 1981 -
روابط تحميل الأغنية بجودة عالية
غناها:

2012/09/11

اسكندرية

اسكندرية – أحمد فكرون
كلمات: مجدى نجيب | ألحان وتوزيع: أحمد فكرون
جينالك والبلح أخضر
ومشينا والبلح أحمر
والشمس ضحكه هلاليه
آه يا اسكندريه

بحرك أزرق واصفر واحمر
والنسمه ماشيه بتتمختر
زي البنات ساعةْ المغرب
باحسّ بالفرح يقرّب
ويدق قلبي وأتذكَّر
يوم ما حبيتك إنتي
وآه يا اسكندريه

آه ولمّا .. آه ولمّا
لمّا باكون وِسْط اللمّه
يتوه كتير وسط الزحمه
لكن بشوف قلبك بيتي
ما انتي الهوا وانتي النسمه
معايا مهما بعيده كُنتي
وآه يا اسكندريه

نغم نسيمك مزاميري
مشيت معاكي مشاويري
وعشنا ياما في سفينه
بتلف من مينا لمينا
دايمًا الفرحه تجيبنا
نعيش سوا مهما بعدتي
وآه يا اسكندريه

لما أغني بكون موالك
ييجي النسيم يرسم عشاقك
بانيتيلي ياما قصور في رمالك
ده الحب عاش في القلب عشانك
عصفور في قلبي اللي نادالك
سهرانه دايمًا ولا نمتي
وآه يا اسكندريه

- 1989 -

روابط تحميل الأغنية بجودة عالية
غناها:

2012/09/01

أوعدك

أوعدك – سعاد محمد
كلمات: مجدى نجيب | ألحان: محمد سلطان




أوعدك وانت بعيد تفضل حبيبى أوعدك
أوعدك دايماً فاكراك أوعدك ولا يوم أنساك

حيرانة وحديا غريبة فى ليل البعد
وخايفة عليك من نار البعد
وغريبة فى حيرتى يا حبيبى
وانا راضية بحيرتى يا حبيبى
وبوعدك فى كل مكان وفى أى زمان
نفضل حبايب وأشتاق إليك
وتبقى غالى وآنده عليك

أندهلك فى ليالى البعد تجينى قوام
تجينى بضحكتك بشوقك بصورتك
تجينى بهمستك وياريتنى أشوفك يا حبيبى
وتنور كل الأيام

روابط تحميل الأغنية بجودة عالية (خاصة بالمدونة)
غناها:
الاشتراك في: الرسائل (Atom)