‏إظهار الرسائل ذات التسميات أحمد منيب. إظهار كافة الرسائل
‏إظهار الرسائل ذات التسميات أحمد منيب. إظهار كافة الرسائل

2013/06/07

روق بالك

روق بالك – أحمد منيب
كلمات: مجدى نجيب | ألحان: أحمد منيب | توزيع: محسن العادلى

روق بالك ليه تحتار ليه تتغير كده فى الحال
شوف ضحكتنا احلى نهار وآدى صحتنا عال العال

مرة حاولنا وسألناه خد على خاطره وقالنا آه
ليه الشكوى يا صاحبى وليه منقولش يا دنيا الله
مهما حكاية حزن غريبة احنا الفرحة قصادنا قريبة
هى الدنيا ساعات وساعات وبتغير حال عن حال

ليه بتفكر انك صح ليه بتحب تكون الغالب
ليه بتعيش فى هموم الجرح ليه بتعيش الفرح الغايب
مهما حكاية حزن غريبة احنا الفرصة قصادنا قليلة
آدى الدنيا كتير مرات بتقربنا ساعات وساعات

ليه بنقول دى حياتنا وبس احلى ما فيها هو الأمس
كل كلامنا ليه بالهمس ليه بنرص الحزن ده رص
آدى الشوق مشاويره كتيرة هاتوصلنا بخطوة قصيرة
هى الدنيا تحب ساعات تلعب بينا ساعات وساعات

- 1987 -

روابط تحميل الأغنية بجودة عالية
غناها:

2012/09/25

يا مراكبى

يا مراكبى – محمد منير.أحمد منيب
كلمات: مجدى نجيب | ألحان: أحمد منيب
هيلا هيلا هيلا هيلا وهيلا وهيلا
وإن شاء المولى راح نرسى فى مينا
ايامنا على الله هيلا هيلا 
وقمر ليالينا هيلا هيلا
يا مراكبى شد القلوع يا مراكبى
مفيش رجوع يا مراكبى
وياليل من غير حبيب هيلا هيلا
يا ليل امرك عجيب هيلا هيلا

الورد كان فى كل مكان طارح مطارح لحبى
والكون ده كان زمان ميسعش حتة من قلبى
شد القلوع يا مراكبى
مفيش رجوع يا مراكبى
وياليل من غير حبيب هيلا هيلا
يا ليل امرك عجيب هيلا هيلا
 
يا مراكبى – محمد منير
كلمات: مجدى نجيب | ألحان: أحمد منيب | توزيع: فرقة يحيى خليل


- 1985 -
روابط تحميل الأغنية بجودة عالية


يا مراكبى – أحمد منيب
كلمات: مجدى نجيب | ألحان: أحمد منيب | توزيع: ماجد عرابى


- 1987 -
روابط تحميل الأغنية بجودة عالية
غناها: ,

2012/08/21

طلب القهوة

طلب القهوة ومشربهاش جبنا القهوة وهو مجاش
حط ثمنها على الترابيزة قرشين فكة ونص بريزة
واللى طلبها ليه ما شربها؟ جبنا القهوة وهو مجاش

كان قاعد سارح بيفكر طلب القهوة وقالى بسكر
قولت عينيا بعد شوية جبت القهوة وقالى بلاش
قولت ضرورى وراه مواعيد ولا يجوز مشواره بعيد
طلب القهوة ومشربهاش جبنا القهوة وهو مجاش

كان قاعد ساكت ومكشر طلب القهوة من غير سكر
قولت عينيا واجب عليا جبت وقالى بلاش
قالى ضرورى وبالتأكيد هو معايا وعقله بعيد
طلب القهوة ومشربهاش جبنا القهوة وهو مجاش

طلب القهوة – فريق الجيتس
كلمات: مجدى نجيب | ألحان: أحمد منيب | توزيع: الجيتس




 روابط تحميل الأغنية بجودة عالية
4shared | MediaFire


طلب القهوة – أحمد منيب
كلمات: مجدى نجيب | ألحان: أحمد منيب 



 - 2001 -

 روابط تحميل الأغنية بجودة عالية (خاصة بالمدونة)
4shared | MediaFire

غناها: ,

2012/08/03

الدنيا نصيب

الدنيا نصيب – أحمد منيب
كلمات: مجدى نجيب | ألحان: أحمد منيب | توزيع: محسن العادلى



الدنيا نصيب الدنيا نصيب ولكل منا نصيب
نحب نكره ده نصيب نتوه وننسى ده نصيب
نغيب ونرجع ده نصيب الدنيا نصيب الدنيا نصيب

بلف فى المدينة أعيش فى عيون حزينة
ونفسى أكون جنينة وضلى يكون ربيع
بلف فى الشوارع بلاقى القلب ضايع
وانا بعشق الجميع

بقول انا ده طريقى وهو ده صديقى
ولو هابل ريقى هايبقى من الربيع
الدنيا دى مرسومة والقسمة دى مقسومة
وانا فرحى للجميع

- 1987 -

روابط تحميل الأغنية بجودة عالية
غناها:

2012/07/14

راح أغنى

راح أغنى – أحمد منيب وعصام الخولى
كلمات: مجدى نجيب | ألحان: أحمد منيب


راح أغنى راح أغنى
عصفور بزقزق بالشوق مشوق
حكايتى بعشق الفرح دنيا
والناس تروق وراح أغنى

عصفور جناحه راسم براحه
بيقول ما راحوا كل الأحبة
لكن بغنى وراح أغنى
يا حتة منى بعدك جارحنى
والشوق سرقنى واللى عاهدنى
لسه بغنى وراح أغنى

انا لو تعبنى زمانى زمانى
زمانى كله انا راح اقول له
ودعت حزنى افرح وغنى
حاسس كأنى الدنيا منى
واللى عاشقنى يكون عايزنى
عليه يغنى راح اغنى

ودعت صبرى وشربت مرى
وزرعت فلى بقى راح يقولى
أحسن نغنى وراح أغنى
هجرت سفنى وهجرت شطى
وليه تحطى على الفرح حزنى
ماتشيلى عنى وراح أغنى
عصفور بزقزق بالشوق مشوق
حكايتى بعشق الفرح دنيا
والناس تروق وراح أغنى

راح أغنى – أحمد منيب
كلمات: مجدى نجيب | ألحان: أحمد منيب | توزيع: عادل عايش


- 1996 -
روابط تحميل الأغنية بجودة عالية
4shared | MediaFire


 
راح أغنى – عصام الخولى
كلمات: مجدى نجيب | ألحان: أحمد منيب | توزيع: طارق مدكور


روابط تحميل الأغنية بجودة عالية
4shared | MediaFire
غناها: ,

2012/06/02

كان وكان

كان وكان – أحمد منيب
كلمات: مجدى نجيب | ألحان: أحمد منيب | توزيع: محسن العادلى



كان وكان وكان .. كان وكان وكان
كان في ليا حبيبة كان في ليا نصيب
الغربة دى غريبة غريبة غيرتنى من زمان

 كان وكان وكان .. كان وكان وكان
كان في زمان أهالى يا صاحبى وكان فى الدنيا لك
مطرح ومرسى يرسيك لأى مكان فى الدنيا كان

كان وكان وكان .. كان وكان وكان
كان في قلوبنا ناس كان في فى عيونا ناس
كان دنيا من الأحساس وراحت من زمان

كان وكان وكان .. كان وكان وكان
كان في زمان مزازيك كان في زمان الحب
أتقفلت شبابيك وأتغير المكان

كان وكان وكان .. كان وكان وكان
كان في ليا صاحب كان ع الدنيا متصاحب
مكان ما يمشى يتعاجب وأتغير الزمان

كان وكان وكان .. كان وكان وكان
كان في ليا أب كان في ليا أم
وسابونى فى درب صعب معرفتش الحنان

- 1987 -

روابط تحميل الأغنية بجودة عالية
غناها:

2012/05/27

الحب له صاحب


الحب له صاحب – أحمد منيب.علاء عبد الخالق
كلمات: مجدى نجيب | ألحان: أحمد منيب 


الحب له صاحب والكره له صاحب
الحزن له صاحب والفرح له صاحب
وانا على الوعد متصاحب

العشق له صاحب والصدق له صاحب
الكدب مش صاحب الضى له صاحب
وانا على الوعد متصاحب

احب اصاحب كل شئ صادق
ما احس بأى سور بينى وبينه او فارق
وأفارق كل شئ فى الدنيا مش صادق
وانا على الوعد متصاحب

بحبك فى لون الضى
فى بكرة المبتسم والجى
فى نظرة خايفة وخايفة على
وانا على الوعد متصاحب


الحب له صاحب – أحمد منيب
كلمات: مجدى نجيب | ألحان: أحمد منيب | توزيع: ماجد عرابى


- 1987 -
روابط تحميل الأغنية بجودة عالية
4shared | MediaFire


الحب له صاحب – علاء عبد الخالق

كلمات: مجدى نجيب | ألحان: أحمد منيب | توزيع: حميد الشاعرى


- 1986 -  
روابط تحميل الأغنية بجودة عالية
غناها: ,

2012/05/14

بنسهر الأوتار

بنسهر الأوتار – أحمد منيب.محمد منير
كلمات: مجدى نجيب | ألحان: أحمد منيب 


بنسهر الأوتار يطلع علينا نهار
وإحنا مع المشوار عدينا بحور وجبال
يا فرح يا هجار إمتى تجينا الدار
ونسهر الأوتار نسهر الأوتار

يا ليل يا أبو المجاريح
 ماشى فى قلب الريح
بزرع انا التفاريح
أسمر انا وأخضر انا
شارب مياة نيلى
ما قلت آه ويلى

راكب حصان من ضى
والحلم راح مش جى
لكن يا فرحى الجى
يوم المنى أصفى انا
وأحضن سنين عمرى
يطوى الحنين صبرى

باكية عيون موالى
ما قلت آه كان مالى
أستاهل اللى جرالى
وأسهر انا وأدبل انا
تدبل ورود ع الخد
ولا حد سامح حد
بنسهر الأوتار – محمد منير
كلمات: مجدى نجيب | ألحان: أحمد منيب | توزيع: عزيز الناصر

- 1984 -
روابط تحميل الأغنية بجودة عالية


بنسهر الأوتار – أحمد منيب
كلمات: مجدى نجيب | ألحان: أحمد منيب | توزيع: ماجد عرابى

- 1987 -  
روابط تحميل الأغنية بجودة عالية
غناها: ,

2012/05/12

على شط النيل

على شط النيل – أحمد منيب
كلمات: مجدى نجيب | ألحان: أحمد منيب | توزيع: محسن العادلى


كان ماشى على شط النيل
كان ماشى يغنى المواويل
من قلبه بيقول الآه
وكلامه نور قناديل

قابلته نسمة شاردة
ونجمة عيونها فضة
وقمر فوق راسه وردة
وناس كتار كتار
بيغنوا ليل نهار
قال ومال على الموال
الله عليك يا نيل
الله عليك يا نيل


- 1987 -

روابط تحميل الأغنية بجودة عالية
غناها:
الاشتراك في: الرسائل (Atom)