سندباد – ماهر العطار
كلمات: مجدى
نجيب | ألحان: محمد الموجى
سندباد سندباد
لف البلاد وغاب وعاد
وجالك إنتى فى الميعاد
عديت سبع بلاد عديت عديت
لفيت ويا الطيور لفيت لفيت
صاحبت الموج فى فرحه
وصاحبت الليل فى جرحه
وعطشت الإبتسامة ولسكة السلامة
ده بلاد الشوق خادتنى وعينيك اللى جابتنى
وجيت لك إنتى فى الميعاد
فى بلاد الناس يا حبيبتى سمعنى الريح حكايات
وعرفت الغربة ويومها ورانى الصبر حاكات
وقدرت اجيب الفجر فى عز الليل يا ليلى
لميت الفرح وقولت يا ليل يا ليل يا ليلى
وشوفت كتير عجايب وأشتقت للى غايب
ده بلاد الشوق خادتنى وعينيك اللى جابتنى
وجيت لك إنتى فى الميعاد
آه يا نسمة طيرلها الضفاير
آه يا نجمة دليل قلبى اللى حاير
ده الحمام الأبيض يغنى بشوق علينا
والأغانى الخضرا طايرة بين ايدينا
وشوفت الإبتسامة وسكة السلامة
ده بلاد الشوق خادتنى وعينيك اللى جابتنى
وجيت لك إنتى فى الميعاد
