مركب حبيبى – محمد قنديل
كلمات: مجدى
نجيب | ألحان: عبد العظيم محمد
فى بحور الهوى
عاشق أنا حيران
شايف الفرحة قدامي
و ابات عطشان
يا هل ترى أخرة العشق نار
و لا جناين حب مليانة حنان
حبيبي عمل ضحكته مركب و عدّانى
لكن فى وسط البحر ميّل و رمانى
ماليش أنا فى العوم
و موج البحر تاعبني
و فين أروح من اللوم
و شوقي غالبني
و اللى رماني فى بحور هواه
ما افتكرش فى يوم و ناداني
لكن عمل ضحكته مركب و عدانى
حبيبى عمل ضحكته مركب بلا مقداف
رمانى وسط الموج لا دري بي و لا سوم شاف
يا مركب الصياد يا فايتة
ح توصلى للبر و لا فى الطريق فايتة
إن وصلتي بالسلامة الليلة
إبقى فوتي قرب بيت العيلة
و بلغيهم كلمتين مني
يقولوا لاهل الهوى إني
ميـّلت ويا الشراع .. و لكل واحد فى الهوى ميلة
حبيبي عمل ضحكته مركب و عدانى
رمانى وسط الموج لا دري بي و لا سوم شاف
يا مركب الصياد يا فايتة
ح توصلى للبر و لا فى الطريق فايتة
إن وصلتي بالسلامة الليلة
إبقى فوتي قرب بيت العيلة
و بلغيهم كلمتين مني
يقولوا لاهل الهوى إني
ميـّلت ويا الشراع .. و لكل واحد فى الهوى ميلة
حبيبي عمل ضحكته مركب و عدانى
أمانة
يا مركب الهوى يا اللى .. فى البحور عايمة
قولى لحبايبنا .. محبتكم فى القلوب دايمة
نتألم .. نتعب .. نسهر يا عيوننا
يا مركب الهوى يا اللى .. فى البحور عايمة
قولى لحبايبنا .. محبتكم فى القلوب دايمة
نتألم .. نتعب .. نسهر يا عيوننا
ما فى غيرهم أبداً لا يقدر يهاودنا
و فكروه يا ناس إنه سرح و نساني
لكن عمل ضحكته مركب و عدانى
و فكروه يا ناس إنه سرح و نساني
لكن عمل ضحكته مركب و عدانى
روابط تحميل الأغنية بجودة عالية
ليست هناك تعليقات:
إرسال تعليق